«Համահայկական կոնգրես» բարեգործական կոնսորցիումի կողմից նախաձեռնված «Էկոավանների կառուցապատման ծրագրով» Հայաստանի տարբեր համայնքներում իրականացվում է սոցիալական բնակարանաշինություն։ Էկոավանները ՄԱԿ-ի կայուն զարգացման նպատակներին համահունչ զարգացող թաղամասեր են, ունեն հստակ սոցիալական ուղղվածություն և նպատակ ունեն բնակարան հատկացնել այն ընտանիքներին, ովքեր իրենց բնակարանային ապահովման կամ կենցաղի բարելավման հարցն են լուծում։

Էկոավանների կառուցապատման փաստաթղթերի հաստատումը պատասխանատու պաշտոնյաների կողմից անհիմն ձգձգվում է ու արհեստականորեն ընթացակարգերը բարդացվում են։

Ելնելով վերը նշվածից՝ ստորագրում ենք այս կոլեկտիվ հանրագիրը հետևյալ պահանջով․

• Էկոավանների կառուցապատման, սոցիալական բնակարանաշինության նախագծերի փաստաթղթավորումը (համապատասխան թույլատվությունների տրամադրումը) իրականացնել պարզեցված ու արագացված ընթացակարգերով:
• Էկոավանների կառուցապատման, սոցիալական բնակարանաշինության ծրագրերի համար ստանալ պետական աջակցություն, մասնավորապես․
  • չեղարկել սոցիալական բնակարանաշինության նպատակով հողատարածքների կարգավիճակի փոփոխության վճարները,
  • ապահովել Էկոավաններն անհրաժեշտ կոմունիկացիաներով:
• Էկոավանների կառուցապատման, սոցիալական բնակարանաշինության ծրագրերի իրականացման գործին խոչընդոտող պաշտոնյաներին հեռացնել աշխատանքից։

Սույն կոլեկտիվ հանրագիրը ստորագրող անձանց լիազորված է ներկայացնելու «Էկոավանների կառուցապատման ծրագրի» ղեկավար Արմեն Բադալյանը:
Հանրագիրն ուղղված է ՀՀ կառավարությանը և ՀՀ Ազգային ժողովին (https://armenbadalyan.com/)։